Socha nahin acha bura

Socha nahin acha bura,dekha suna kuch bhi nahin,
Manga KHUDA se raat din tere siwa kuch bhi nahin,

Socha tujhe,dekha tujhe,chaha tujhe,pooja tujhe,
Meri khata meri wafa,teri khata kuch bhi nahin.

Jis per humari aankh ne moti bichaye raat bhar,
Bheja wohi kaghaz usay,humne likha kuch bhi nahin.

Ek shaam ki dehleez per baithay rahe woh dair tak,
Aankhon se ki baatein bahut,munh se kaha kuch bhi nahin.

Do chaar din ki baat hai dil khaak mai so jayega,
Jab aag per kaghaz rakha baqi bacha kuch bhi nahi...

Singers:Chitra Singh, Jagjit Singh