Jo chala gya mujhe chhor kar

Jo chala gya mujhe chhor kar 
Main kabhi na us ko bhula saki

Wohi doorian, wohi faasle
Main kabhi na in ko mita saki

Kya usey bhi mujh se pyar tha
Ya tabassum us ka shuar tha

Wo koi ajeeb sawaal tha
Jo meri samajh mein na aa saka

Meri zindagi ka sukoon tha
Wo mere dil ki ik junoon tha

Wo meri bandagi mere pyar tha
Yehi baat na main us ko bata ski
 
Yehi sochti thi main raat bhar
Jo kabhi miley ga wo raah par

To karungi us se shikayatein
Wo mila to lab bhi na hila ski

Jo chala gaya mujhe chhor kar
Main kabhi na usko bhula ski.....